𝐌𝐄𝐍𝐘𝐀 𝐈𝐕𝐘𝐎 𝐅𝐎𝐌𝐈 𝐘𝐀𝐑𝐀𝐍𝐆𝐔𝐘𝐄 𝐌𝐔 𝐌𝐘𝐀𝐊𝐀 𝟕 𝐈𝐌𝐀𝐙𝐄 𝐈𝐓𝐀𝐍𝐆𝐔𝐘𝐄 𝐈𝐁𝐈𝐊𝐎𝐑𝐖𝐀

𝙄𝙜𝙞𝙘𝙚 𝙘𝙖 𝙠𝙖𝙗𝙞𝙧𝙞

Mu gice ca mbere twarababariye ko mu myaka 7 uruganda FOMI rumaze, hahinguwe ubwoko 3 bw’ifumbire hamwe n’Ishwagara y’indimo. Ubwo bwoko 3 bw’ifumbire ni FOMI Imbura, FOMI Bagara na FOMI Totahaza. Ubwo bwoko 3 bw’ifumbire burimwo ivyunyunyu bitandukanye ibiterwa bikenera. Nico gituma abahinga mu bushikiranganji bw’uburimyi, abo muri FOMI hamwe n’abo muri kaminuza y’Uburundi bashizeho ingero abarimyi bokwisunga bivanye n’ubwoko bw’igiterwa kugira baronke umwimbu.

Abarimyi barakengurutse cane izo nyigisho kuko basanze bahora babikora ukutariko bigatuma bahomba. Uko imyaka yagiye irakurikirana bakoresha ifumbire FOMI, abarimyi bahavuye basanga iyo fumbire igwiza umwimbu kandi n’isi igarukana akanovera. Kuva mu 2019, uko abarimyi bagenda barakoresha ya shwagara y’indimo ivura umururazi, niko uburinganire bw’isi yiganziwe n’umururazi bwagenda buragabanuka. Ico kikaba kiri mu bintu abarimyi bakenguruka ku kanovera karanga ifumbire y’ikirundi ivanze n’iy’ikizungu FOMI. Ivyatsi vyari vyarahonye, ubu vyarasubiriye kwimeza aho hose abarimyi bakoresheje ifumbire FOMI.

Mu yandi majambo, FOMI imaze imwaka 7 iterera mu kugwiza umwimbu no mu gusubisa isi akanovera. Mu gice ca gatatu tuzobabwira ivyo FOMI imaze gukora mu gisata co gukingira ibidukikije.