Mu nama yabereye i Gitega ku wa 29 Myandagaro 2025, irongowe n’Umushikirangaji mu vyo ajejwe harimwo uburimyi n’ubworozi, Calinie MBARUSHIMANA, harashikirijwe imigambi mikuru mikuru iriko irashirwa imbere mu ntumbero yo guteza imbere uburimyi buzoshikana Uburundi ku mbonakazoza y’Igihugu cifashe mu 2040, igihugu giteye imbere mu 2060.
Iyo nama ikaba yari yatumiwemwo aberwa n’igisata c’uburimyi bose harimwo abanyamitahe baba mu Burundi canke mu mahanga bipfuza canke basanzwe bakorera mu gisata c’uburimyi.
Ni muri iyo ntumbero, icegera c’umuyobozi mukuru w’ishirahamwe FOMI, MANYAGE Herménégilde, yashikirije ibiriko birakorwa ubu n’ishirahamwe FOMI kugira baterere muri uyo mugambi. Ir. MANYAGE Herménégilde yamenyesheje ko muri FOMI bariko barubaka uruganda rukomeye i Bukemba muri komine ya RUTANA ruzokoresha abakozi bagera ku 6000. Akamenyesha kandi ko bakeneye amatongo manini kugira bashobore gukora imigambi ijanye no guhingura ifumbire nko kworora, kwubakira abakozi hamwe n’amatongo yagutse yo kugeragerezamwo ifumbire.
Ir. MANYANGE Herménégilde akamenyesha ko akarusho k’urwo ruganda ku gihugu kazoba kanini cane kuko bizotuma haboneka ifumbire nyishi yo guha abenegihugu bo mu Burundi, hamwe niyo gushora mu makungu gutyo hakaboneka amahera mvamakungu.
Iyo nama ikaba yari tatewe iteka n’Umushikiranganji wa mbere wa Reta y’Uburundi NTAHONTUYE Nestor.